عقلمند شہزادہ
میں نے ایک شہزادے کے بارے میں سناکہ پست قد اور بد
.jpeg)
صورت تھا اور اسکے دوسرے بھائ لمبے اور خوبصورت تھےایک مرتبہ باپ حقارت اور نا پسندیدگی سے اسکو دیکھ رہا تھا ۔شہزادہ ذہانت اوردانائ سے اس بات کو سمجھ گیا اور بولااے ابا جان ٹھگنا عقلمند لمبے بیوقوف سے اچھا ہوتا ہے کیا یہ بات درست نہیں ہے۔جو چیز قد میں چھوٹی ہوتی ہے قیمت میں بہتر ہوتی ہے۔
فقرہ ۔۔ ۔
بکری پاک ہے اور ہاتھی مردار۔ ۔
شعر
کوہ طور زمین کے چھوٹے پہاڑوں میں ہےاور یقینا وہ
قدرو منزلت میں اللہ کے نزدیک سب سے بڑا ہے
قطعہ
آپ نے وہ بات سنی جو ایک دبلے عقلمند نے
ایک مرتبہ موٹے بے وقوف سے کہی
عربی گھوڑا اگر چہ کم زور ہو۔
پھر بھی طویلے بھر گدھوں سے بہتر ہے۔
باپ ہنس پڑا اور ارکان دولت نے یہ بات پسند کی اور بھائیوں کو دلی صدمہ ہوا
قطعہ
جب تک آدمی نے بات نہ کہی ہو۔
اس کا عیب وہنر چھپا ہوا ہوتا ہے۔
ہر جھاڑی نہ سمجھ کہ وہ خالی ہے ۔
شاید تیندوا سویا ہوا ہو ۔
میں نے سنا کہ اسی زمانے میں بادشاہ کے ایک دشمن نےسر اٹھایا۔ جب دونوں طرف کے لشکر آمنے سامنے ہوئے اور انہوں نے مٹھ بھیڑ کا ارادہ کیا سب سے پہلے جو میدان میں اترا وہی شہزادہ تھا ۔اور اس نے کہا۔
قطعہ
میں وہ نہیں ہوں کہ لڑائی کے دن تو میری پشت دیکھے۔
میں وہ ہوں کہ خاک اور خون میں تو ایک سر دیکھے گا۔
کیونکہ لڑائی کے دن جو جنگ کرتا ہے وہ اپنے خون سے کھیلتا ہے ۔
اور جو بھاگتا ہے وہ(اپنے)پورے لشکر کا خون کرتا ہے ۔
(اسنے)یہ کہا اور دشمن کے سپاہیوں پر ٹوٹ پڑا ۔چند تجربہ کار سپاہیوں کو قتل کیا جب باپ کے سامنے آیا زمین خدمت چومی اور کہا
قطعہ
اے وہ کہ میرا جسم تجھےکم زور لگا۔
کہیں موٹاپے کو تو ہنر نہ سمجھے ۔
پتلی کمر والا گھوڑا لڑائی کے دن ۔
کام آ تا ہےنہ کہ پروار کا بیل۔
بیان کرتے ہیں کہ دشمن کے سپاہی بہت تھے اور یہ تھوڑے۔اور(ان میں سے) کچھ لوگوں نے بھاگنے کی ٹھانی شہزادہ نے نعرہ مارا اور کہا اے بہادروں کوشش کرو خبردار ہرگز عورتوں کا جامہ نہ پہنوں۔اسکے کہنے سے سواروں کی بہادری بڑھ گئی اور ایک بارگی حملہ کردیا میں نے سنا کہ اسی روز انہوں نے دشمنوں پر فتح پالی۔باپ نے اسکے سر اور آنکھوں پر بوسہ دیا اور بغلگیر ہوا اور اس پر روز افزوں توجہ کی یہاں تک کہ اسکو ولیعہد مقرر کردیا ۔اسکے بھائیوں نے حسد کیا اور اسکے کھانے میں زہر ملادیا ۔ اسکی بہن نے کھڑکی سے دیکھ لیا اور کھڑکی بجادی ۔ شہزادہ ذہانت سے سمجھ گیا کھانے سے ہاتھ کھینچ لیا اور کہنے لگا کہ یہ تو نا ممکن بات ہے کہ ہنر مند مر جائیں اور بے ہنر انکی جگہ سنبھال لیں
شعر
الو کے سائے میں کوئ آنا پسند نہ کرے۔
اگر چہ ہما دنیا سےنا پید ہو جائے۔
لوگوں نے باپ کو یہ قصہ بتایا اس کے بھائیوں کو بلایا اور مناسب سزا دی پھر ملک کے اطراف میں سے ہر ایک کیلئے اس کی پسند کے مطابق ایک حصہ مقرر کردیا چناچہ فتنہ ختم ہوا اور جھگڑا جاتا رہا کیونکہ دس فقیر ایک کمبلی میں سو جاتے ہیں اور دو بادشاہ ایک ولایت میں نہیں سماتے۔
قطعہ
مرد خدا اگر آدھی روٹی کھاتا ہے۔
تو دوسری آدھی فقیروں پر خرچ کردیتا ہے ۔
اگر بادشاہ ایک ولایت کی حکومت حاصل کرلیتاہے ۔
تو اسی طرح دوسری ولایت کی فکر میں لگا رہتا ہے ۔
حکایت نمبر 3 گلستان سعدے ۔
.jpeg)
.jpeg)
Comments
Post a Comment